Riceviamo e pubblichiamo la poesia in vernacolo di Mariella Adamo e Lucia Bove.

A Nardò ticianu ‘na fiata:

-Ti la Mmaculata

la cilina è mmaturata-.

Quandu rriava lu tiempu ti la spruatura

lu furese scia alla chisura,

li ulie cugghia,

e intra alli panieri li mintia.

Sobbra allu mulu li caricava

e trittu trittu a casa li purtava.

Mugghierisa li fugghiazze minava,

li ulie intra nu limbu lavava

e, cu ndi caccia lu marore,

cangiava l’acqua a totte l’ore.

Poi li ccunzava intra alla capasa,

ca stia rrigghiata a n’angulu ti la casa.

Ggiungia cime ti pepe e di murteddhra,

acqua, sale, lauru e di limone na feddhra.

Quandu la “mamma” s’era criata

l’ora era rriata!

La festa ti la Mmaculata era icina

e la femmina ti casa scurcugghiava intra la cucina.

La mattra apria ti prima matina,

cu lu farnaru cirnia la farina

e, quandu era fina fina,

l’acqua pipiteddhra mbuccava,

lu lliatu e nu piumu ti sale squagghiava.

Timpirava e scanava cu totta la forza ca tinia,

poi li ciline alla paddhotta ggiungia.

Ncuculava tante pagnutteddhre

e, cu criscianu beddhre beddhre,

sobra lu liettu li ccunzava

e cu na manta li mbucciava.

Quandu li pagnutteddhre eranu “fatte” lu furnaru li pigghiava

e cu la pala li nfurnava.

La iscilia ti la Mmaculata Concezione,

intra alli case ti ogni rione,

li cristiani lu fuecu stutavanu

e lu disciunu cuminzavanu.

A menzatia, annanzi allu fucalire,

totta la famiglia s’era riunire.

Mangiavanu irmiceddhri cu lu baccalà,

rape nfucate, pettule e pucce a volontà.

N’cera cinca si pigghiava la puccia cu li ulie sapurite

e cinca queddhra cu li passule e li mendule bbrustulite.

Lu sobbra taula no putia mancare

e mancu n’ursulu ti mieru pi brindare”.

Lu tiempu è passatu e l’usanza ancora ole

cu no si mangia, ti la iscilia, carne pi devozione.

Mariella Adamo e Lucia Bove